فرمان الہی
نماز کے اوقات
گزشتہ ہفتے سوڈان کے شہر الفشر سے فوجی انخلا کے بعد سے حالات انتہائی خراب ہیں، پیرا ملٹری فورسز کے سوڈانی شہر الفشر کا کنٹرول سنبھالنے کے بعد سے قتلِ عام جاری ہے۔
سوڈانی مسلح افواج کی جانب سے جاری کیے گئے بیان کے مطابق شہر الفشر میں اتوار سے بدھ تک تقریباً 2 ہزار افراد ہلاک ہو چکے ہیں۔
سوڈانی ڈاکٹرز نیٹ ورک کے مطابق الفشر شہر میں ریپڈ سپورٹ فورسز کے ہاتھوں 15 سو افراد مارے جا چکے ہیں۔
دوسری جانب اقوامِ متحدہ نے اپنی رپورٹ میں انکشاف کیا ہے کہ الفشر شہر سے دو دن میں 26 ہزار سے زیادہ افراد انخلاء کر چکے ہیں۔
سوڈان کی حالیہ صورتحال سے متعلق انٹرنیشنل آرگنائزیشن فار مائیگریشن کا کہنا ہے کہ الفشر میں تقریباً 1 لاکھ 77 ہزار شہری پھنسے ہوئے ہیں۔
واضح رہے کہ سوڈان میں اپریل 2023ء سے جاری خانہ جنگی کے دوران ہزاروں افراد ہلاک اور 1 کروڑ 20 لاکھ سے زائد افراد بے گھر ہو چکے ہیں۔
