فرمان الہی
نماز کے اوقات
پاکستانی نژاد اسکاٹ ویمن کرکٹ ٹیم کی کھلاڑی نیما شیخ اسکاٹ نیشنل اسپورٹس اسکالر شپ حاصل کرنے والی اسکاٹ لینڈ کی پہلی کرکٹر بن گئی ہیں۔
اسکاٹش ویمن کرکٹر نیما شیخ کا کہنا ہے کہ یہ میرے لیے اعزاز کی بات ہے کہ میں اسکاٹ لینڈ میں مین اینڈ ویمن میں سے پہلی کرکٹر ہوں جس نے یہ اسکالرشپ حاصل کی ہے۔
نیما شیخ کو وننگ اسٹوڈنٹس 100 اسکاٹ لینڈ نیشنل اسپورٹ اسکالر شپ کے لیے منتخب کیا گیا ہے۔
کرکٹ اسکاٹ لینڈ کے مطابق نیما شیخ اسکالر شپ حاصل کرنے والی اسکاٹ لینڈ کرکٹ کی پہلی کھلاڑی ہیں، اسکالر شپ اسٹوڈنٹس ایتھلیٹس کو کامیابی کے ساتھ آگے بڑھنے میں مدد کرتی ہے، اسکاٹش اسپورٹس میں 17 سو سے زائد اسٹوڈنٹس ایتھلیٹس کو سپورٹ کیا جارہا ہے۔ ایتھلیٹس کو یہ اسکالر شپ اکیڈمک کوالیفکیشن کی بنیاد پر فراہم کی جاتی ہے۔
نیما شیخ اکاؤنٹینسی اور فنانس کی تعلیم گلاسکو یونیورسٹی سے حاصل کر رہی ہیں، انہوں نے 2023 میں انٹرنیشنل ڈبییو کیا، وہ دو ون ڈے اور 7 ٹی ٹوئنٹی میچز میں اسکاٹ لینڈ کی نمائندگی کرچکی ہیں۔
نیما شیخ سمیت اس مرتبہ 105 اسٹوڈنٹس ایتھلیٹس کو اسکالر شپ میں شامل کیا گیا ہے، 31 مختلف ڈسپلن سے تعلق ر کھنے والے ایتھلیٹس کو تعلیم کے ساتھ کھیلوں میں ٹارگٹ کو حاصل کرنے میں سپورٹ کیا جائے گا۔
