فرمان الہی
نماز کے اوقات
بالی ووڈ کنگ شاہ رخ خان کا اپنی شہرت پر ایک دلچسپ تبصرہ دوبارہ سوشل میڈیا صارفین کی توجہ کا مرکز بن گیا ہے۔
سوشل میڈیا ویب سائٹ ریڈ اِٹ پر شاہ رخ خان کے ایک پرانے انٹرویو کی ویڈیو وائرل ہے جس میں اداکار کو اپنی دیرپا شہرت کے بارے میں بات کرتے ہوئے دیکھا جاسکتا ہے۔
ویڈیو میں فرح خان نے شاہ رخ خان سے پوچھا کہ آپ سے ماضی میں ایک بار یہ سوال پوچھا گیا تھا ’کیا آپ کی شہرت کبھی ختم ہوگی؟‘ جس کا آپ نے بہت اعتماد کے ساتھ جواب دیا ’میں اگلے 100 سال تک اسٹار رہوں گا‘ تو اب مجھے ایسا لگتا ہے کہ آپ جو کہتے وہ سچ ہو جاتا ہے، آپ اس بارے میں کیا کہیں گے؟
اداکار نے جواب دیتے ہوئے کہا کہ میں ہر خواہش ایک معصوم بچے کی طرح کرتا ہوں حالانکہ میں جانتا ہوں کہ میں اب 60 سال کا ہوں لیکن جیسا کہ فلم ’اوم شانتی اوم ‘ کا ایک مشہور ڈائیلاگ ہے کہ اگر پورے دل سے کچھ مانگو تو پوری کائنات تم کو اس سے ملانے میں لگ جاتی ہے تو میں اب بھی بالکل ایک بچے کی طرح اس بات پر یقین رکھتا ہوں۔
اُنہوں نے مزید کہا کہ اگر مجھ سے ابھی کوئی یہ پوچھے کہ میں کتنے سال زندہ رہوں گا؟ تو میرا جواب ہوگا کہ میں 200 یا 250 سال زندہ رہوں گا۔
شاہ رخ خان نے کہا کہ مجھے ہمیںشہ سے اس بات پر یقین ہے کہ بہت صاف گوئی، سچائی اور محبت سے کچھ بھی مانگا جائے وہ انسان کو ضرور ملتا ہے۔
