فرمان الہی
نماز کے اوقات
ٹی ٹوئنٹی ٹرائی نیشن سیریز کے دوسرے میچ میں زمبابوے نے سری لنکا کو 67 رنز سے شکست دے دی۔
راولپنڈی میں کھیلے گئے میچ میں سری لنکا کی ٹیم 163رنز کے تعاقب میں 95 رنز بناکر آؤٹ ہوگئی۔ کپتان دُسون شناکا نے سب سے زیادہ 34 رنز کی اننگز کھیلی۔
زمبابوے کے بریڈ ایونز نے3 اور رچرڈ ناگاراوا نے 2 کھلاڑیوں کو آؤٹ کیا۔
سری لنکا نے زمبابوے کے خلاف ٹاس جیت کر فیلڈنگ کا فیصلہ کیا۔ پہلے بیٹنگ کرتے ہوئے زمبابوے نے مقررہ 20 اوورز میں 8 وکٹوں پر 162 رنز بنائے، برائن بنیٹ49 اور سکندر رضا 47 رنز بنا کر نمایاں رہے۔
سری لنکا کے ہسارنگا نے 3 اور ایشان ملنگا نے 2 وکٹیں حاصل کیں۔
ونندو ہاسارنگا آج سری لنکا کی پلیئنگ الیون میں شامل ہیں جبکہ ایشان ملنگا ٹی ٹوئنٹی میں ڈیبو کیا۔
دوسری جانب زمبابوے نے سری لنکا کے خلاف میچ میں پلیئنگ الیون میں کوئی تبدیلی نہیں کی اور وہی ٹیم برقرار رکھی جو پاکستان کے خلاف میچ میں تھی۔
اس سے قبل ٹاس کے بعد گفتگو کرتے ہوئے سری لنکا کے کپتان داسن شناکا کا کہنا تھا کہ پچ پہلے سے استعمال شدہ ہے اور اوس بھی موجود ہے، اس لیے وہ ابتدا میں ہی حریف بیٹنگ لائن کو دباؤ میں لانا چاہتے ہیں۔
شناکا نے کہا کہ ہمیں رنز کو محدود کرنا ہے اور سکندر رضا کی وکٹ لینا سب سے اہم ہوگا۔
دوسری جانب زمبابوے کے کپتان سکندر رضا نے کہا کہ وہ پہلے بیٹنگ کرتے ہوئے ہدف مقرر کرنے کے بجائے زیادہ سے زیادہ رنز بنانے کو ترجیح دیتے ہیں۔
زمبابوے نے اپنی ٹیم میں کوئی تبدیلی نہیں کی، زمبابوے اپنی پہلی شکست کے بعد کم بیک کرنے کے لیے پرعزم ہے، جبکہ سری لنکا پاکستان کی سرزمین پر اپنے حالیہ تینوں ون ڈے میچز ہار چکا ہے اور اب ٹی ٹوئنٹی میں نئی شروعات چاہتا ہے۔
خیال رہے کہ سیریز کے پہلے ٹی 20 میچ میں پاکستان نے زمبابوے کو 5 وکٹ سے شکست دی تھی۔
