فرمان الہی
نماز کے اوقات
پشاور ہائی کورٹ نے عدالتی کارروائی میں رکاوٹ ڈالنے کے الزام میں سزا پانے والے دونوں وکلاء کی سزا معطل کردی۔
پشاور ہائی کورٹ میں جسٹس فہیم ولی نے دونوں وکلاء کی اپیل پر سماعت کی، وکلاء کی جانب سے بیرسٹر عامر اللّٰہ اور صدر پشاور ہائی کورٹ بار امین الرحمان عدالت میں پیش ہوئے۔
پراسیکیوشن نے عدالت کو بتایا کہ چارسدہ کی عدالت نے جواد خان ایڈووکیٹ اور سکندر حیات ایڈووکیٹ کو ایک ماہ قید، ایک ہزار روپے جرمانے کی سزا سنائی تھی۔
پراسیکیوشن نے بتایا کہ دونوں وکلاء نے جان بوجھ کر عدالتی کارروائی میں رکاوٹ ڈالی تھی، وکلاء کو پاکستان پینل کوڈ 228 اور کوڈ آف کریمینل پروسیجر 476 کے تحت سزا دی گئی۔
