فرمان الہی
نماز کے اوقات
غزہ پٹی میں مسلسل بارشوں نے پہلے سے تباہ حال انسانی صورتِ حال کو مزید سنگین بنا دیا ہے۔ بچے بارش اور سیلاب سے بچنے کے لیے بھیگی ہوئی زمین پر سونے پر مجبور ہیں۔
غزہ کے بچے اپنے جسموں کو پلاسٹک کے تھیلوں سے ڈھانپ کر تحفظ حاصل کرنے کی کوشش کرتے ہیں۔
غزہ کے شہریوں کیلئے پناہ گاہوں کی کمی، خیموں کی خستہ حالی اور امدادی سامان کی شدید قلت کے باعث بچے اور خاندان بارش اور سرد موسم کے سامنے بالکل بے بس ہیں۔
امدادی تنظیموں نے خبردار کیا ہے کہ موسم کی سختیاں بیماریوں کے پھیلاؤ اور اموات کے خطرات میں اضافہ کر رہی ہیں۔
بارش کے بعد غزہ کے شمالی علاقے جبیلیہ میں منظرنامہ انتہائی سنگین تھا، گلیاں پانی میں ڈوبی ہوئی، جگہ جگہ تباہ شدہ عمارتوں کے ملبے کے ڈھیر ہیں، اور بے گھر خاندان بارش سے بچنے اور سر چھپانے کیلئے جگہ تلاش کرتے دکھائی دیے۔
غزہ میں گزشتہ کئی ہفتوں سے جاری انسانی بحران شدت اختیار کرتا جا رہا ہے، جبکہ بے گھر خاندانوں کی مشکلات ہر گزرتے دن کے ساتھ بڑھتی جا رہی ہیں۔
