فرمان الہی
نماز کے اوقات
نیا سال قریب ہے اور یہ اپنی صحت بہتر بنانے کے لیے نئی عادات اپنانے کا بہترین موقع بھی ہے، چند سادہ اور مؤثر عادات کو اپنا کر آپ پورے سال اپنی صحت برقرار رکھ سکتے ہیں۔
ذیل میں 2026 میں صحت مند طرزِ زندگی کے لیے 6 ضروری مشورے پیش کیے جا رہے ہیں۔
1۔ غذائیت سے بھرپور غذا استعمال کریں
اپنی روزمرہ خوراک میں سبزیاں، دالیں، خشک میوہ جات، پھل اور پوری طرح اناج کو شامل کریں۔ صحت مند طریقے سے پکی ہوئی غذا جسم میں سوزش کم کرتی ہے اور دل کی بیماریوں، ذیابیطس اور کینسر سمیت کئی امراض کے خطرات کو گھٹاتی ہے۔
2۔ نمک اور چینی کا استعمال کم کریں
نمک اور چینی کی زیادہ مقدار دل کی بیماریوں، وزن میں اضافے اور دیگر مسائل کا سبب بنتی ہے، صحت مند طرزِ زندگی کے لیے ان کا استعمال محدود رکھیں۔
3۔ چکنائیوں سے پرہیز کریں
اپنی روزانہ کی خوراک میں چکنائی کی مقدار 30 فیصد سے کم رکھیں، ٹرانس فیٹس (جو چربی والے گوشت، مکھن اور پیک شدہ اسنیکس میں ہوتی ہیں) سے بچیں اور اس کے بجائے مچھلی، میوہ جات اور سبزیوں کے تیل میں موجود انسیٹوریٹڈ فیٹس کو ترجیح دیں۔
4۔ تمباکو نوشی ترک کریں
تمباکو صحت کے لیے انتہائی نقصان دہ ہے اور دل، پھیپھڑوں اور کئی دیگر سنگین بیماریوں کا باعث بنتا ہے۔ یہ جسم میں آئرن اور اہم وٹامنز C، B، A اور E کی سطح بھی کم کرتا ہے، صحت مند لمبی زندگی کا واحد راستہ تمباکو نوشی چھوڑنا ہے۔
5۔ باقاعدگی سے ورزش کریں
ہفتے میں کم از کم 150 منٹ درمیانی سطح کی جسمانی سرگرمی کریں، اضافی فائدے کے لیے اسے 300 منٹ تک بڑھایا جا سکتا ہے۔ چہل قدمی، سائیکلنگ، یوگا یا کوئی بھی جسمانی سرگرمی آپ کے لیے مفید ہے۔
6۔ بلڈ پریشر کی نگرانی کریں
بلڈ پریشر کو خاموش قاتل کہا جاتا ہے کیونکہ یہ آہستہ آہستہ جسم کے اہم اعضا کو نقصان پہنچاتا ہے، اس لیے اپنا بلڈ پریشر باقاعدگی سے چیک کریں تاکہ اسے بروقت قابو میں رکھا جا سکے۔
نوٹ: یہ ایک معلوماتی مضمون ہے، اپنی کسی بھی بیماری کی تشخیص اور اس کے علاج کےلیے ڈاکٹر سے رجوع کریں۔
