فرمان الہی
نماز کے اوقات
انڈر19 ایشیا کپ کے لیے پاکستانی اسکواڈ کا اعلان کردیا گیا ہے۔ فرحان یوسف پاکستان کی قیادت کریں گے جبکہ سرفراز احمد کو مینیجر اور مینٹور مقرر کیا گیا ہے۔
پاکستان کے دیگر کھلاڑیوں میں عبدالسبحان، احمد حسین، علی حسن بلوچ، علی رضا، دانیال علی خان، حمزہ ظہور اور حذیفہ احسن شامل ہیں۔
مومن قمر، محمد حذیفہ، محمد صیّام، محمد شایان، نقاب شفیق اور سمیر منہاس بھی اسکواڈ کا حصہ ہیں۔
ٹورنامنٹ 12 سے 21 دسمبر تک دبئی میں شیڈول ہے، پاکستان اپنا پہلا میچ 12 دسمبر کو کوالیفائر 3 کے خلاف سیونز اسٹیڈیم میں کھیلے گا۔
پاکستان اپنا دوسرا اور ایونٹ کا اہم میچ 14 دسمبر کو بھارت کے خلاف آئی سی سی اکیڈمی میں کھیلے گا جبکہ تیسرا گروپ میچ 16 دسمبر کو کوالیفائر 1 کے خلاف شیڈول ہے۔
ایونٹ کا سیمی فائنل 19 دسمبر کو اور فائنل 21 دسمبر کو کھیلا جائے گا۔
دوسری جانب سپورٹ اسٹاف میں سرفراز احمد مینیجر/مینٹور، شاہد انور ہیڈ کوچ و بیٹنگ کوچ، راؤ افتخار باؤلنگ کوچ، منصور امجد فیلڈنگ کوچ، ابرار احمد ٹرینر، عبیداللّٰہ فزیو اور علی حمزہ اینالسٹ کے فرائض انجام دیں گے۔
