فرمان الہی
نماز کے اوقات
آئی جی سندھ پولیس غلام نبی میمن نے دعویٰ کیا ہے کہ بھتہ خوری سے نمٹنے کے لیے بنائے گئے یونٹ سی آئی اے کی کارروائیوں سے کیسز نہ ہونے کے برابر رہ گئے ہیں۔
کراچی میں میڈیا سے گفتگو میں انہوں نے کہا کہ پولیس بھتا خوری کے واقعات میں ترجیحی بنیاد پر کارروائی کرتی ہے، متعدد بھتہ خور مقابلوں میں مارے گئے یا پکڑے گئے ہیں۔
آئی جی سندھ نے کہا کہ رواں برس رپورٹ ہونیوالے 140 کے قریب بھتہ خوری کے واقعات آدھے سے زیادہ بھتے کے نہیں بلکہ آپسی لین دین کے تھے۔
آئی جی سندھ پولیس غلام نبی میمن نے مزید کہا کہ منشیات فروشوں کی ضمانت میں پولیس کے کردار کا بھی جائزہ لے رہے ہیں۔
قبل ازیں آئی جی سندھ غلام نبی میمن سندھ ہائیکورٹ پہنچے جہاں جسٹس محمد اقبال کلہوڑو کی سربراہی میں عدالتوں کی سیکیورٹی پر میٹنگ ہوئی۔
میٹنگ میں ڈی آئی جی اسپیشل سیکیورٹی یونٹ مقصود میمن، ایس ایس پی ایس ایس یو اور دیگر افسران شریک ہوئے۔
