فرمان الہی
نماز کے اوقات
پارلیمانی سیکریٹری اطلاعات بیرسٹر دانیال چوہدری کا کہنا ہے کہ ڈی جی آئی ایس پی آر کی پریس کانفرنس اس بیانیے کے خلاف تھی جو پاکستان کو کمزور کر رہا ہے۔
راولپنڈی میں میڈیا سے گفتگو کرتے ہوئے بیرسٹر دانیال چوہدری نے کہا کہ اپنی افواج اور سپہ سالار، ڈی جی آئی ایس پی آر کے ساتھ اظہار یکجہتی کر رہے ہیں، ملک میں بیانیوں کا جمعہ بازار لگا ہوا ہے، افواج پاکستان دہشت گردی کے خلاف نبرد آزما ہیں۔
اُنہوں نے کہا کہ جو لوگ فوج کے خلاف بات کرتے ہیں وہ دشمن کی حمایت کرتے ہیں، میر جعفر اور میر صادق کا نام سب نے سنا ہے، میر جعفر اور میر صادق نے اپنی افواج کی صفوں میں ہوکر دشمن کا ساتھ دیا تھا۔
بیرسٹر دانیال چوہدری نے کہا کہ ہمارے جوان روز اپنی جانیں قربان کر رہے ہیں، ہمارے جوان اس لیے جانیں نہیں دے رہے کہ ان کا مذاق اڑایا جائے، ایک جماعت کہہ رہی ہے کہ دہشت گردوں کے ساتھ سرینا اور میریٹ میں بیٹھ مذاکرات کریں۔
اُنہوں نے کہا کہ ہم دہشت گردوں کے ساتھ مذاکرات نہیں کر سکتے، اس ملک کے لیے ہمارے بزرگوں نے قربانیاں دی ہیں، ایک جماعت پاکستان کے دشمنوں کی سہولت کار بنی ہوئی ہے، یہ اس فوج کے خلاف تقریریں کرتے ہیں جو روز اس ملک کے لیے جانیں دیتے ہیں۔
بیرسٹر دانیال چوہدری نے کہا کہ پاک فوج کے جذبے کو کوئی پست نہیں کرسکتا، عوام بانی پی ٹی آئی کے سائیکو پیتھ بیانیے کو مسترد کرتی ہے، پاک فوج کے خلاف بیانیہ دشمن کا بیانیہ ہے، حالیہ ضمنی انتخاب میں عوام نے ان کے بیانیے کو رد کر دیا ہے، یہ ملک جب بھی آگے بڑھا انہوں نے کہا پاکستان کو آگ لگا دو۔
اُنہوں نے کہا کہ جس صوبے میں پی ٹی آئی کی حکومت ہے وہاں 14 سال سے یہ امن قائم نہیں کرسکے، کیا ہم اپنے بچوں کو یہ پڑھائیں جو این ڈی یو جائے گا وہ غدار ہے، فلسطین میں اسرائیل نے نسلوں کی نسلیں ختم کر دیں، پاکستان اور اس کے دشمنوں کے درمیان پاک فوج ہے۔
بیرسٹر دانیال چوہدری نے کہا کہ جو شہداء کا مذاق اڑائیں گے ان کی کوئی جگہ نہیں، یہ وہی پاکستان ہے جو آئیسولیشن میں چلا گیا تھا، آج وہی پاکستان ہے جس کو پوری دنیا میں عزت کی نگاہ سے دیکھا جاتا ہے، ہمارے دشمنوں کو پاکستان کی عالمی سطح پر پذیرائی برداشت نہیں ہوتی، بھارتی میڈیا اسی لیے ان کی ایک ٹوئٹس کو پک کرتا ہے، قوم اپنی فوج اور پاکستان کے ساتھ کھڑی ہے۔
