ملتان (سٹاف رپورٹر) پرائیویٹ حج ٹوورز آپریٹر کےذریعے حج کی سعادت حاصل کرنے کیلئے 155عازمین کرام آج نجی ائیر لائن کی پرواز کے ذریعے جدہ روانہ ہونگے، جبکہ ملتان سے پہلی پرواز کے ذریعے حج کی سعادت حاصل کرنے کے لئے جانے والے 189عازمین کرام کے ویزے لگ کر پاسپورٹ حج کمپلیکس ملتان پہنچ گئے عازمین کرام کو پاسپورٹ کل سے جاری کرنے شروع کر دیئے جائیں گے، جنوبی پنجاب کے عازمین کرام کے لئے 13اگست سے ملتان سے شروع ہونے والے حج آپریشن کے انتظامات مکمل کر لئے ہیں،پی آئی اے کی پہلی پرواز 189عازمین کرام کو لیکر 13اگست کی صبح 7 بجکر50منٹ پر ملتان سے مدینہ روانہ ہو گی وزارت مذہبی امور کے زیر اہتمام اور کاروان کوثر کے تعاون سے حج کی سعادت حاصل کرنے کے لئے جانے شیعہ عازمین کرام کی تربیتی ورکشاپ آج ہوگی۔ بہاولپور سمیت گردو نواح کے عازمین کرام جو بیماری یا کسی مجبوری کی وجہ سے حج تربیت حاصل کرنے سے رہ گئے تھے اس کے لئے حج تربیت آج قائد اعظم میڈیکل کالج بہاولپور کے آڈیٹوریم میں حج تربیت منعقد کی جائے گی ۔
فرمان الہی
نماز کے اوقات
