فرمان الہی
نماز کے اوقات
پاکستانی میوزک انڈسٹری سے وابستہ معروف گلوکارہ نتاشا بیگ نے معروف اداکارہ و میزبان نادیہ خان کو آڑے ہاتھوں لے لیا۔
ان کا کہنا تھا کہ ایک وقت تھا جب نادیہ خان بہت خوبصورت ہوا کرتی تھی، لیکن وقت کے ساتھ ساتھ وہ اپنا وقار کھو رہی ہیں۔
گزشتہ دنوں نتاشا بیگ نے سوشل میڈیا پر ایک مختصر ویڈیو شیئر کرتے ہوئے ایک صارف کے ڈرامہ سیریل ’جن کی شادی، ان کی شادی‘ کے او ایس ٹی سے متعلق تبصرے پر اپنا ردعمل دیا۔
نادیہ خان کے رویے سے متعلق سوال پر انہوں نے کہا کہ میں نادیہ خان کو اپنی والدہ کی وجہ سے جانتی ہوں، میں نے اپنی والدہ کو ہمیشہ اُن کی تعریف کرتے دیکھا ہے۔ نادیہ خان اپنے کیریئر کے ابتدائی دور میں بہت اچھی اداکارہ، میزبان اور ماڈل بھی تھیں، وہ بہت خوبصورت بھی تھیں۔
گلوکارہ نے کہا کہ لیکن وقت کے ساتھ ساتھ کچھ اسٹارز اپنا وقار کھو دیتے ہیں اور نادیہ خان بھی ان ہی لوگوں میں سے ایک ہیں، جس پر مجھے بہت افسوس ہوتا ہے کیونکہ میں انہیں سچ میں بےحد پسند کرتی تھی۔
نتاشا بیگ نے مزید کہا کہ میری دعا ہے کہ تمام اسٹارز کو جو عزت، مقام و مرتبہ ملا ہے وہ اپنے مقام کو اپنی آخری سانس تک باوقار طریقے سے سنبھا سکیں۔
گلوکارہ کی مختصر ویڈیو پر صارفین نے رد عمل دیتے ہوئے ان کی بات سے اتفاق کیا اور نادیہ خان کے رویے کو غلط قرار دیا۔ بیشتر صارفین کا کہنا تھا کہ نادیہ خان کو بھی کسی نے غلط گائیڈ کیا ہوگا، تبھی وہ نتاشا بیگ کے گانوں کو پسند نہیں کرتیں۔ ایک صارف کے مطابق حالیہ کچھ عرصے میں ٹی وی میزبان کا رویہ واقعی عجیب ہو چکا ہے۔
