فرمان الہی
نماز کے اوقات
اقوامِ متحدہ کی اینالیٹیکل سپورٹ اینڈ سینکشنز مانیٹرنگ ٹیم کی سولہویں رپورٹ میں اہم انکشاف ہوا ہے کہ داعش خراسان کے ترجمان اور تنظيم کے میڈیا وِنگ کے بانی سلطان عزیز عزام کو گرفتار کر لیا گیا ہے۔
رپورٹ میں بتایا گیا کہ تنظیم کے ترجمان سلطان عزیز عزام کو 16 مئی 2025ء کو گرفتار کیا گیا، پاکستان کی کارروائی سے داعش خراسان کا تنظیمی ڈھانچہ عالمی سطح پر کمزور ہوا، کئی منصوبہ بند حملے ناکام بنا دیے گئے جبکہ تنظیم کے جنگجوؤں کی تعداد میں کمی آئی۔
رپورٹ کے مطابق سلطان عزیز عزام کو پاکستان کی انٹیلی جنس ایجنسی نے گرفتار کیا، العزام فاؤنڈیشن داعش خراسان کی بھرتی اور پروپیگنڈے کی مرکزی تنظیم سمجھی جاتی ہے، عزیز عزام کی گرفتاری کے بعد داعش خراسان کی میڈیا سرگرمیاں بھی معطل ہو گئیں۔
یو این اینالیٹیکل سپورٹ ٹیم کی رپورٹ میں بتایا گیا کہ اہم کمانڈرز و نظریاتی رہنماؤں کو نیوٹرلائز کر دیا گیا ہے، سلطان عزیز عزام اور سینئر رہنما ابو یاسر الترکی کی گرفتاری سے تنظیم کی آپریشنل طاقت میں نمایاں کمی ہوئی۔
رپورٹ میں بتایا گیا ہے کہ ان کارروائیوں کے باعث ’وائس آف خراسان‘ جیسے اہم پروپیگنڈا پلیٹ فارمز بھی معطل ہو گئے، میڈیا میں آنے سے قبل عزام ننگر ہار صوبائی کونسل کا مشیر بھی رہ چکا ہے۔
