فرمان الہی
نماز کے اوقات
امریکا کے صدر ڈونلڈ ٹرمپ نے کہا ہے کہ آبدوز سازی میں امریکا کسی بھی ملک سے 15برس آگے ہے، ہم نے دنیا کے سب سے بڑے جنگی جہاز بنائے، یہ پرانے آئیوا کلاس جہازوں سے سو گنا زیادہ طاقتور ہیں۔ بحریہ کے جہاز المونیم کے بجائے اسٹیل سے بنائے جارہے ہیں۔
صدر ٹرمپ نے وزیر جنگ اور وزیر بحری امور کے ساتھ پریس کانفرنس کرتے ہوئے کہا کہ وکٹری نامی جہاز امریکی فوج کی طاقت کو قائم رکھنے میں مدد دے گا، اس سے امریکی جہاز سازی صنعت کو بحال کرنے میں مدد ملے گی۔
ٹرمپ کا کہنا تھا کہ امریکی بحریہ کو دنیا کی طاقتو ترین بحریہ بنا رہے ہیں، 15 آبدوزیں بنائی جارہی ہیں۔ چین، روس کوئی بھی آبدوزوں میں ہمارا مقابلہ نہیں ہوسکتا۔
انہوں نے کہا کہ یہ دنیا بھر میں امریکا کے دشمنوں کو خوف زدہ کردیں گے، ایک دو سال پہلےجو ہم پر ہنستے تھے، اب وہ ہمارا احترام کرتے ہیں۔
امریکی صدر کا مزید کہنا تھا کہ بحریہ کا ہیڈکوارٹر بھی بہتر کیا جارہا ہے۔
اس موقع پر امریکی وزیر جنگ پیٹ ہیگسیتھ نے میڈیا سے گفتگو کرتے ہوئے کہا کہ ہم بزور قوت امن قائم کررہے ہیں۔
امریکی وزیر بحریہ جان فیلن کا کہنا تھا کہ ٹرمپ کلاس لڑاکا جہاز بنائے جارہے ہیں۔
