فرمان الہی
نماز کے اوقات
کراچی میں ڈمپر اور ہیوی ٹریفک کے داخلے پر دفعہ 144 کے تحت پابندی عائد کردی گئی ہے۔
کمشنر کراچی حسن اکبر نقوی کی جانب سے شہر میں ڈمپر اور ہیوی ٹریفک کے داخلے پر پابندی کا نوٹیفکیشن جاری کردیا گیا ہے۔
نوٹیفکیشن کے مطابق شہر میں ہیوی ٹریفک پر پابندی دفعہ 144 کے تحت صبح 6 بجے سے رات 10 بجے تک عائد کی گئی، ہیوی ٹریفک کے داخلے پر پابندی 2 ماہ کے لیے عائد کی گئی ہے۔
ہیوی ٹریفک سپرہائی وے سے نیو کراچی انڈسٹریل جاسکتی ہے، نیشنل ہائی وے سے گودام چورنگی، یونس چورنگی، داود چورنگی سے جام صادق برج جاسکتی ہے۔
نوٹیفکیشن کے مطابق ہیوی ٹریفک ناردن بائی باس سے پراچہ چوک، سمز چورنگی، گلبائی، ماڑی پور سے کراچی پورٹ اور لنک روڈ کاٹھور سے نیشنل ہائی وے سے سسی ٹول پلازہ جاسکتی ہے۔
