فرمان الہی
نماز کے اوقات
انسداد دہشت گردی عدالت لاہور نے 9 مئی جلاؤ گھیراؤ کے 2 مقدمات کا تحریری فیصلہ جاری کردیا۔
میاں محمود الرشید کو مجموعی طور پر 33 سال قید اور 6 لاکھ روپے جرمانے کی سزا دی گئی ہے۔ ڈاکٹر یاسمین راشد، عمر سرفراز چیمہ اور اعجاز چوہدری کو 10-10 سال قید کی سزا سنائی گئی۔
میاں محمود الرشید کو الگ الگ سیکشنز میں سزائیں سنائی گئیں، عدالت نے جرم ثابت نہ ہونے پر 23 ملزمان کو بری کردیا۔
فیصلے میں کہا گیا کہ یاسمین راشد، اعجاز چوہدری اور عمر سرفراز چیمہ کا دونوں سازش کی میٹنگ میں موجود ہونا ثابت ہوتا ہے۔
عدالت نے پی ٹی آئی رہنماؤں سمیت 7 ملزمان کو جرم ثابت ہونے پر قید کی سزا سنائی۔ پراسیکیوشن کے مطابق ڈاکٹر یاسمین راشد سمیت 4 رہنماؤں نے جلاؤگھیراؤ کے لیے عوام میں انتشار پھیلایا۔
پراسیکیوشن نے مختلف واٹس ایپ میسجز اور 70 سوشل میڈیا اکاؤنٹس کی تفصیلات فراہم کی، ملزمان کے خلاف فرانزک رپورٹس بھی کمرہ عدالت میں پیش کی گئیں۔
جے آئی ٹی کی تفتیشی ٹیم نے ملزمان کو قصوروار قرار دیا، ملزمان نے جے آئی ٹی کی رپورٹ کو کسی فورم پر چیلنج بھی نہیں کیا۔ ملزمان نے اپنی حتمی بیانات میں خود کو معصوم قرار دیا۔
