شفقت علی رضا...اٹلی کے شہر ’کارپی‘ میں کبڈی میچ کے فائنل میںپاکستان نے کانٹے دار مقابلے کے بعد بھارت کو شکست دے کر پہلا انعام حاصل کرلیا۔
جشن آزادی کے حوالے سے پاکستانی ثقافت کو دوسرے ممالک میں متعارف کرانے کے لیے اٹلی کے شہر ’کارپی‘ میں چھٹا سالانہ پاکستان میلہ منعقد ہوا جس میں کبڈی، کرکٹ اور والی بال کے میچز کھیلے گئے۔
میلے کے مہمان خصوصی اسپین کے بزنس مین چوہدری امانت مہر تھے جنہیں روایتی انداز کے ساتھ ڈھول کی تھاپ پر گراؤنڈ میں لایا گیا، پاکستانی اور بھارتی شائقین کی کثیر تعداد کبڈی اور والی بال میچ دیکھنے میدان میں پہنچی تھی۔
کبڈی میچ کے فائنل میں پاکستان نے بھارت کو شکست دی، والی بال کا فائنل پاک کلب اٹلی اور کرکٹ کا فائنل کارپی کلب نے اپنے نام کیا۔
پاکستان میلے کے اختتام پر مہمان خصوصی چوہدری امانت مہر، آرگنائزر عرفان حیات، محمد اقبال چوہدری اور حافظ عبدالرزاق صادق نے کھلاڑیوں میں انعامات تقسیم کے۔
پاکستان میلے کے منتظمین میں الیاس چوہان، آصف رضا، رزاق چھنی، الیاس ڈھلیان اور ظہیر الدین را ئے شامل تھے، مہمان خصوصی چوہدری امانت مہر کا اس موقع پر کہنا تھا کہ کبڈی اور والی بال ہمارے ثقافتی اور روایتی کھیل ہیں، ان کھیلوں کو یورپی ممالک میں متعارف کروا کر مقامی کمیونٹی کو مثبت پیغام دینے میں یہ کھیل بہترین ذریعہ ثابت ہو سکتے ہیں۔
فرمان الہی
نماز کے اوقات
