فرمان الہی
نماز کے اوقات
وزیراعظم شہباز شریف اور متحدہ عرب امارات کے صدر شیخ محمد بن زاید النہیان سے ملاقات کی ہے۔
رحیم یار خان میں ہونے والی شہباز شریف اور شیخ محمد بن زائد کی ملاقات میں نائب وزیراعظم اسحاق ڈار اور وزیر اطلاعات عطا تارڑ موجود تھے۔
وزیراعظم آفس کے اعلامیہ کے مطابق وزیراعظم شہباز شریف کی صدر یو اے ای شیخ محمد بن زید النہیاں سے ملاقات رحیم یار خان میں شیخ زاید پیلس میں ہوئی، دونوں رہنماؤں نے 26 دسمبر کو اسلام آباد میں ہونے والی ملاقات کے حوالے سے تبادلہ خیال کیا۔
اعلامیہ میں مزید کہا گیا ہے کہ وزیراعظم نے یو اے ای سے دیرینہ تعلقات کو اسٹریٹیجک و باہمی فائدے تک بڑھانے اور اقتصادی شراکت داری بڑھانے کے عزم کا اعادہ کیا۔
اعلامیہ کے مطابق وزیراعظم نے دونوں ملکوں کی جانب سے دو طرفہ تجارت کا حجم بڑھانے کی ضرورت پر زور دیا۔
وزیراعظم آفس کے مطابق دونوں رہنماؤں میں آئی ٹی، توانائی، معدنیات اور دفاعی تعاون بڑھانے پر بھی اتفاق کیا گیا۔
وزیراعظم نے یو اے ای کی ترقی پر صدر شیخ محمد بن زاید کی قیادت کو خراجِ تحسین پیش کیا اور یو اے ای میں مقیم 21 لاکھ پاکستانیوں کے کردار کو سراہا۔
ملاقات میں دوطرفہ تعلقات کے علاوہ دیگر اہم امور پر بھی تبادلہ خیال کیا گیا، پاکستان اور یو اے ای میں سال بھر کی سفارتی سرگرمیوں کا اختتام اس ملاقات پر ہوا۔
واضح رہے کہ یو اے ای کے صدر رحیم یار خان میں شکار میں مصروف ہیں، وزیراعظم اُن سے ملاقات کےلیے وہاں پہنچے تھے۔
