فرمان الہی
نماز کے اوقات
گاجر صحت کے لیے سب سے اہم اور فائدہ مند غذاؤں میں سے ایک ہے کیونکہ ان میں وٹامنز اور معدنی نمکیات سمیت ضروری غذائی اجزاء کی اعلیٰ سطح ہوتی ہے۔
یہاں گاجر کے استعمال سے صحت پر پڑنے والے اثرات پر ایک نظر ڈال لیتے ہیں۔
بینائی
گاجر کے استعمال سے بینائی کو بہتر بنانے میں مدد ملتی ہے کیونکہ اس میں وٹامن اے ہوتا ہے جس کا آنکھوں کی صحت پر براہ راست اور مثبت اثر پڑتا ہے۔
جگر کی صحت
گاجر جگر کو زہریلے مادوں کے اثرات سے بچانے میں مدد دیتی ہے۔ اس میں موجود وٹامن اے جسم کے قدرتی ڈیٹوکسی فیکیشن کے عمل کو بہتر بنانے میں کلیدی کردار ادا کرتا ہے۔
قوت مدافعت
گاجر بیماریوں کے خلاف مزاحمت کے لیے جسم کے مدافعتی نظام کو مضبوط کرتی ہے۔
ایک تحقیق سے ثابت ہوا ہے کہ گاجر میں پولی ایسٹیلین ہوتا ہےجو کینسر کے خلیوں کی نشوونما کو کم کرتا ہے۔
دل اور خون کی نالیاں
گاجر کو دل کی بیماریوں میں مبتلا اور ہائی بلڈ پریشر والے لوگوں کے لیے فائدہ مند سمجھا جاتا ہے۔ اس میں اینٹی آکسیڈنٹس ہوتے ہیں جو خون میں کولیسٹرول کی سطح کو کم کرنے اور ہارٹ اٹیک کے خطرے کو کم کرنے میں مدد دیتے ہیں۔
منہ کی صحت
گاجر عموماً منہ کی صحت کے لیے بھی فائدہ مند سمجھی جاتی ہے کیونکہ اسے کھانے سے مسوڑھوں اور دانتوں کو صاف رکھنے میں مدد ملتی ہے۔
نرم و ملائم جلد
گاجر میں وٹامن اے اور دیگر اینٹی آکسیڈنٹس ہوتے ہیں جو جِلد کو نقصان دہ شعاعوں سے بچانے میں مدد دیتے ہیں اور جِلد کے خراب ٹشوز کی مرمت میں بھی مدد کرتے ہیں۔
