فرمان الہی
نماز کے اوقات
پروٹین ایک نہایت اہم غذائی جز ہے جو مسلز کی تعمیر اور جسمانی ٹشوز کی مرمت میں بنیادی کردار ادا کرتا ہے۔
غذائی ماہرین کے مطابق پروٹین ہارمونز کی تیاری، میٹابولزم کی بہتری، قوتِ مدافعت مضبوط بنانے اور وزن کو قابو میں رکھنے میں بھی مدد دیتا ہے، چونکہ پروٹین کو ہضم کرنے میں جسم زیادہ کیلوریز جلاتا ہے، اس لیے یہ دیر تک پیٹ بھرے ہونے کا احساس بھی دلاتا ہے۔
ماہرین کے مطابق پروٹین کھانے کا درست وقت آپ کے مقصد پر منحصر ہوتا ہے۔
کھانوں کے درمیان پروٹین سے بھرپور اسنیکس لینے سے بھوک کم ہوتی ہے اور مجموعی کیلوریز کم کھائی جاتی ہیں۔
ورزش کے بعد 30 منٹ سے 2 گھنٹے کے اندر پروٹین کا استعمال مسلز کی ریکوری اور گروتھ کے لیے مؤثر سمجھا جاتا ہے۔
سونے سے پہلے پروٹین لینا، خاص طور پر کیسین پروٹین، رات کے دوران مسلز کی مرمت میں مدد دیتا ہے۔
طبی ماہرین کی جانب سے دن بھر میں پروٹین کو برابر مقدار میں کھانوں کے ساتھ تقسیم کرنا بہتر آپشن قرار دیا گیا ہے، ہر کھانے میں پروٹین شامل کرنے سے توانائی برقرار رہتی ہے، ہائی پروٹین ناشتہ دن بھر کی توانائی اور بھوک کو کنٹرول کرنے میں مدد دیتا ہے۔
غذائی ماہرین کی جانب سے تجویز کیا جاتا ہے کہ معیاری پروٹین حاصل کرنے کے لیے گوشت، مچھلی، انڈے، دودھ، دالیں، گری دار میوے اور بیجوں کا استعمال لازمی کریں۔
مختلف ذرائع سے پروٹین لینے سے غذا متوازن رہتی ہے۔
ضرورت پڑنے پر پروٹین پاؤڈر، کیسین یا پلانٹ بیسڈ پروٹین سپلیمنٹس کا استعمال بھی کیا جا سکتا ہے مگر اپنے ڈاکٹر سے مشورہ کرنا ضروری ہے۔
پروٹین کو صحت مند چکنائی اور کاربوہائیڈریٹس کے ساتھ استعمال کریں تاکہ متوازن غذا مل سکے۔
ماہرین کا کہنا ہے کہ پروٹین کا درست وقت اور متوازن استعمال ناصرف مسلز بلکہ مجموعی صحت کے لیے بھی بے حد ضروری ہے۔
نوٹ: یہ معلوماتی مضمون ہے، اپنی کسی بھی بیماری کی تشخیص اور اس کے علاج کے لیے ڈاکٹر سے رجوع کریں۔
