• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فیڈرل لیویز کے ملازمین کا احتجاج جاری

میرا شہر
کوئٹہ
08 جنوری ، 2026
کوئٹہ(اسٹاف رپورٹر)بلوچستان کے مختلف اضلاع سے تعلق رکھنے والے فیڈرل لیویز کے ملازمین کی شدید سردی میں علامتی بھوک ہڑتال کیمپ بدستور جاری ، کوئٹہ پریس کلب کے باہر لگائے گئے کیمپ میں احتجاج پر بیٹھے ملازمین نے بتایا کہ وہ تین سے چار دہائیوں تک وفاقی لیویز فورس میں خدمات انجام دیتے رہے لیکن گذشتہ چار برس سے 1500 سے زائد ملازمین کی تنخواہیں بند ہیں ۔ تنخواہوں کی بندش کے خلاف انہوں نے 2024 میں بھی کوئٹہ میں احتجاجی کیمپ قائم کیا تھا ، اور وزیراعلیٰ میر سرفراز بگٹی کی یقین دہانی پر احتجاج ختم کیا تھا لیکن مسئلہ حل نہ ہوسکا ۔ انہوں نے کہا کہ وہ ایک مرتبہ پھر شدید سردی میں احتجاج پر مجبور ہوئے ہیں تاکہ ان کی آواز سنی جائے ۔ انہوں نے مطالبہ کیا کہ ان کی بند تنخواہیں ادا ، انہیں پنشن یا گولڈن ہینڈ شیک دیا جائے ۔
کوئٹہ سے مزید