فرمان الہی
نماز کے اوقات
ایران میں پرتشدد مظاہرے شدت اختیار کر گئے، کئی شہروں میں سرکاری عمارتوں، دکانوں اور مساجد کو نقصان پہنچا۔ امریکی میڈیا نے دعویٰ کیا ہے کہ اموات کی تعداد 217 ہوگئی ہے۔
بادشاہت کے حق میں نعرے لگانے والوں نے سڑکیں بلاک کیں،پولیس اسٹیشنز پر حملے کیے، حملوں میں کئی اہلکار زخمی ہوئے ہیں۔
امریکی میڈیا کےمطابق صرف تہران میں مظاہروں کےدوران اموات کی تعداد 217 ہوگئی ہےتاہم ایرانی حکام نے اس تعداد کی تصدیق نہیں کی۔
ایرانی میڈیا نے فسادات کے دوران بدھ اور جمعرات کو 4 اہلکار جاں بحق ہونے کی تصدیق کی گئی ہے۔
مظاہرین نے صوبے خوزستان میں مقدس مقام کی بے حرمتی بھی کی جس کے خلاف لوگوں نے شدید احتجاج کیا۔
پریس ٹی وی نے تہران کے میئر علی رضا زکانی کے حوالے سے بتایا کہ مظاہرین نے 26 بینکوں، 2 اسپتالوں، 25 مساجد، پولیس تنصیبات اور 48 فائر ٹرکوں کو نقصان پہنچایا ہے۔
میڈیا رپورٹس کے مطابق پرتشدد مظاہرے کرنے والوں نے ایمبولینسوں پر بھی حملے کیے، بسوں اور شہریوں کی گاڑیوں کو بھی آگ لگائی گئی ہے۔
فسادات اور املاک پر حملوں میں ملوث عناصر کیخلاف زنجان میں بھی بڑا مظاہرہ کیا گیا جس میں خواتین کی بڑی تعداد بھی شریک تھی۔ مظاہرین قومی پرچم اور سپریم لیڈر آیت اللّٰہ خامنہ ای کی تصاویر اٹھائے ہوئے تھے۔
علاوہ ازیں قم، یزد، لورستان اور خوزستان سمیت کئی دیگر مقامات پر بھی نماز جمعہ کے بعد مظاہرے کیے گئے۔
