فرمان الہی
نماز کے اوقات
اوورسیز پاکستانیوں کی جانب سے بھیجی جانے والی ترسیلاتِ زر دسمبر 2025 میں 3.6 ارب ڈالر سے تجاوز کر گئیں۔
مشیرِ وزیرِ خزانہ خرم شہزاد نے بتایا کہ دسمبر 2025 کی ترسیلاتِ زر دسمبر 2024 کے 3.1 ارب ڈالر کے مقابلے میں تقریباً 17 فیصد زیادہ رہیں جبکہ نومبر 2025 کے 3.2 ارب ڈالر کے مقابلے میں 13 فیصد اضافہ ریکارڈ کیا گیا۔
مشیرِ وزیرِ خزانہ کے مطابق مالی سال 2026 کی پہلی ششماہی میں مجموعی ترسیلاتِ زر 19.7 ارب ڈالر تک پہنچ گئیں، جو گزشتہ مالی سال کی اسی مدت کے مقابلے میں 14 فیصد زیادہ ہیں۔
خرم شہزاد کا مزید کہنا ہے کہ مالی سال 2026 میں مجموعی ترسیلاتِ زر 41 ارب ڈالر سے تجاوز کرنے کی توقع ہے۔
