فرمان الہی
نماز کے اوقات
وزیراعظم شہباز شریف سے قطر کے امیر شیخ تمیم بن حمد الثانی نے ٹیلیفونک رابطہ کیا ہے۔
پرائم منسٹر آفس کے مطابق شہباز شریف اور شیخ تمیم بن حمد الثانی نے دونوں ممالک کےتعلقات کی موجودہ رفتار پر اطمینان کا اظہار کیا۔
اعلامیے کے مطابق دونوں رہنماؤں نے مشرق وسطیٰ کی حالیہ پیشرفت پر بھی تبادلہ خیال کیا، وزیراعظم نے خطے میں مذاکرات اور ثالثی میں قطر کے فعال کردار کو سراہا۔
وزیراعظم آفس کے اعلامیے کے مطابق شہباز شریف نے کشیدگی کم کرنے کے لیے قطر کی بامعنی کوششوں کا اعتراف کیا اور کہا کہ پاکستان علاقائی امن و استحکام کے لیے اپنا مثبت کردار ادا کرتا رہے گا۔
وزیراعظم آفس کے اعلامیے کے مطابق دونوں رہنماؤں نے قریبی رابطے میں رہنے پر اتفاق کیا ہے۔
