فرمان الہی
نماز کے اوقات
انڈونیشیا میں ایک چھوٹا مسافر طیارہ لاپتہ ہوگیا، جس کی تلاش جاری ہے، طیارے میں 11 افراد سوار تھے۔
رپورٹ کے مطابق علاقائی طیارہ اے آر ٹی 42-500 گر یوگیا کارتا سے مکاسر، جنوبی سولاویسی کے لیے روانہ ہوا تھا اور تقریباً 12 میل قبل ایئرپورٹ کے ایریا میں ایئر ٹریفک کنٹرول سے رابطہ منقطع ہو گیا۔ طیارے میں 3 مسافر اور 8 عملے کے ارکان شامل تھے۔
ابتدائی اطلاعات کے مطابق پہاڑی علاقے لیانگ لیانگ، ماروس ضلع میں طیارے کے ملبے کے آثار دیکھے گئے ہیں۔
سرچ اینڈ ریسکیو ٹیمیں فوری طور پر جائے حادثہ پر روانہ کی گئی ہیں، جہاں 60 اہلکار اور ماہرین کی مدد سے بچاؤ اور ملبے کی تلاش جاری ہے۔
انڈونیشیا کی ایوی ایشن کے ڈائریکٹر نے بتایا کہ طیارہ مقررہ اپروچ پر نہیں تھا اور ایئر ٹریفک کنٹرول نے اسے درست سمت میں لانے کی ہدایات دیں، لیکن رابطہ ختم ہو گیا اور ایمرجنسی کا اعلان کر دیا گیا۔
