فرمان الہی
نماز کے اوقات
ہوائی جہاز کی کھڑکی کے شیشوں میں ایک چھوٹا سا سوراخ موجود ہوتا ہے اور جن لوگوں نے اس پر غور کیا ہوگا، ان کے ذہن میں یہ سوال لازمی آیا ہوگا کہ آخر اس سوراخ کی موجودگی کا مقصد کیا ہے؟
یہ سوراخ ہوائی جہاز میں انجینئرنگ اور ڈیزائن کی تاریخ کا ایک اہم حصّہ ہے اور انہیں’بلیڈ ہولز‘ کہا جاتا ہے۔
ہوائی جہاز کی کھڑکی کے شیشوں میں یہ سوراخ بنانے کی وجہ اونچائی پر ہوا میں آکسیجن کے تناسب میں کمی ہے۔
دراصل، آکسیجن کی کمی کو پورا کرنے کے لیے جہاز کے کیبن کو دباؤ میں رکھا جاتا ہے تاکہ مسافر اور کیبن کریو آسانی سے سانس لے سکیں، اس عمل کو جیٹ انجن کی مدد سے کیبن میں ہوا پمپ کر کے ممکن بنایا جاتا ہے۔
اب مسئلہ یہ ہے کہ آکسیجن کی کمی کو پورا کرنے کے لیے جیٹ انجن کا ہوا پمپ کر کے جہاز کے کیبن کو زیادہ دباؤ میں رکھنا بھی ٹھیک نہیں ہے کیونکہ کیبن میں موجود دباؤ اور باہر کی ہوا کے دباؤ میں فرق ہونے کی وجہ سے جہاز کی کھڑکیوں کے شیشوں پر دباؤ پڑے گا۔
سفر کے دوران ہوائی جہاز، مسافروں اور جہاز کے عملے کی حفاظت کو یقینی بنانے کے لیے کیبن اور باہر کی ہوا کے دباؤ کو برابر رکھنا بہت ضروری ہے اور اسی مقصد کے لیے جہاز کی کھڑکی کے شیشوں میں سوراخ یعنی ’بلیڈ ہولز‘ بنائے جاتے ہیں۔
