• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی پورٹ سے وسطی ایشیا تک براہِ راست ریل رابطے کا منصوبہ تیار

آج کا اخبار
ملک بھر سے
23 جنوری ، 2026
اسلام آباد( جنگ نیوز) کراچی پورٹ سے وسطی ایشیا تک براہِ راست ریل رابطے کا منصوبہ تیار کر لیا گیا ،تفصیلات کے مطابق وفاقی وزیرِ ریلوے کی وزارت میں قازقستان کے سفیر سے اعلی سطح کی مشاورت ہوئی جس میں ریجنل کنیکٹیوٹی اور ریلوے تعاون کے امور پر تفصیلی تبادلہ خیال کیا گیا۔وزیراعظم کے ریجنل کنیکٹیوٹی وژن کے تحت اس منصوبے کو انتہائی اہم اور اسٹریٹجک قرار دیا گیا ہے جو پورے خطے کے لیے سنگِ میل ثابت ہوگا۔وفاقی وزیر ریلوے حنیف عباسی اورقازقستان کے سفیر کی ملاقات کے دوران دونوں فریقین نے پاکستان سے وسطی ایشیا تک ریلوے کنیکٹیوٹی کے منصوبوں اور ان کے معاشی و تجارتی فوائد پر بھی گفتگو کی۔وزیرِ ریلوے محمد حنیف عباسی نے کہا کہ یہ منصوبہ پاکستان کے ریلوے سیکٹر میں ایک تاریخی پیشرفت ہے اور خطے میں تجارت اور رابطوں کو نئی جہت فراہم کرے گا۔کراچی پورٹ سے قازقستان تک ریلوے کنیکٹیوٹی کا منصوبہ تیار ہے جو خطے میں تجارتی روابط کو فروغ دے گا اور پاکستان کو وسطی ایشیا سے براہِ راست جوڑے گا۔ چمن کے راستے افغانستان، ترکمانستان اور قازقستان تک ریلوے نیٹ ورک کو جامع انداز میں مربوط کیا جائے گا۔میگا پروجیکٹ پاکستان،قازقستان ریلوے کنیکٹیوٹی منصوبہ 7 ارب ڈالر مالیت کا ہے، جسے تین سال کی ریکارڈ مدت میں مکمل کیا جائے گا۔
ملک بھر سے سے مزید