فرمان الہی
نماز کے اوقات
بانیٔ پی ٹی آئی کی بہن علیمہ خان نے کہا ہے کہ بانی کی صحت سے متعلق خبروں پر تشویش ہے۔
’جیو نیوز‘ سے گفتگو کرتے ہوئے انہوں نے کہا ہے کہ اگر بانی کا علاج کسی سرکاری اسپتال میں ہوا تو یہ تشویش ناک پہلو ہے۔
علیمہ خان کا کہنا تھا کہ اہلِ خانہ کو صحت سے متعلق کسی بھی پیش رفت سے آگاہ نہیں کیا گیا۔
انہوں نے کہا کہ بانیٔ پی ٹی آئی کی آخری ملاقات عظمیٰ خان سے ہوئی جس کے بعد سے اب تک بانی کی کوئی اطلاع نہیں۔
علیمہ خان کا کہنا ہے کہ اس سے قبل بھی ایک موقع پر بانی کو جیل سے باہر لے جانے کی خبر آئی تھی، ماضی میں ہم بہنوں نے پوچھا تھا تو بانی نے انکار کیا اور کہا کہ فیک خبریں پھیلائی جاتی ہیں۔
