اسلام آباد(نمائندہ جنگ) کسٹمزکی گاڑی باہتر موڑ کے قریب موٹر وے پر بارش کے باعث پھسل کر کھائی میں گر گئی جس کے نتیجے میں چار اہلکار جاں بحق جبکہ ایک شدید زخمی ہوگیا۔موٹر وے پر باہتر موڑ کے قریب اسمگلروں کا پیچھا کرتے ہوئے گاڑی بارش کے باعث پھسل کر کھائی میں گری ، تفصیلات کے مطابق گزشتہ روز کسٹم انٹیلی جنس کی گاڑی باہتر موڑ کے قریب موٹر وے پر بارش کے باعث پھسل کر کھائی میں جاگری جس کے نتیجے میں چار اہلکار جاں بحق اور ایک شدید زخمی ہوگیا۔ جاں بحق اہلکاروں کی لاشوں اور زخمی کو پمز ہسپتال منتقل کردیا گیا۔ ذرائع کے مطابق کسٹمز انٹیلی جنس اہلکار مبینہ سمگلروں کی گاڑی کا پیچھا کررہے تھے۔ جاں بحق اہلکاروں میں ڈرائیور عامر‘ کانسٹیبل شکیل‘ اعجاز اور جمیل شامل ہیں۔ایس ایچ او تھانہ ٹیکسلا راجہ اختر کے مطابق حادثے کا شکار ہونے والی کسٹم انٹیلی جنس کی جیپ نے موٹر وے پر کئی کلا بازیاں کھائیں جس کے نتیجے میں کسٹم کے کانسٹیبل عامر حنیف سکنہ جی ٹن تھری، کانسٹیل محمد شکیل ولد محمد رمضان سکنہ جی نائن ٹو، کانسٹیبل محمد اعجاز ولدغلام صفدر سکنہ بادیاں رستم خان اسلام آباد اور محمد جمیل ولد حاجی اورنگزیب سکنہ باڈی پھلاں ایبٹ آباد شامل ہے جبکہ کانسٹیل شاہد لطیف ولد محمد لطیف سکنہ رحمت آباد کرک کو شدید زخمی حالت میں ہسپتال منتقل کر دیا گیا۔حادثے کی اطلاع ملتے ہی کسٹم کے اہلکار موقع پر پہنچے اور میتیں ان کے گھر بھیجنے کے سلسلے میں ان کی معاونت کی۔
فرمان الہی
نماز کے اوقات
