فرمان الہی
نماز کے اوقات
بانیٔ پی ٹی آئی کے وکیل فیصل ملک نے کہا ہے کہ نواز شریف کے ذاتی معالج کو قید کے دوران کئی بار رسائی دی گئی تھی۔
راولپنڈی میں بانیٔ پی ٹی آئی کے وکیل فیصل ملک نے میڈیا سے گفتگو کرتے ہوئے کہا کہ بانیٔ پی ٹی آئی بھی ملک کے سابق وزیرِ اعظم اور برابری کے سلوک کے مستحق ہیں۔
انہوں نے کہا ہے کہ ہم نے عدالت کو بتایا کہ بانیٔ پی ٹی آئی بھی ملک کے سابق وزیرِاعظم ہیں اس لیے ان کے ذاتی معالج کو بھی ان تک رسائی دی جائے۔
وکیل فیصل ملک نے بتایا ہے کہ عدالت کو بتایا ڈاکٹر عاصم یوسف بانی کی میڈیکل ہسٹری سے آگاہ ہیں۔
انہوں نے کہا ہے کہ ہم نے عدالت کو بتایا کہ بانی کا میڈیکل چیک اپ ان کے ذاتی معالجین کی موجودگی میں ہونا چاہیے۔
بانیٔ پی ٹی آئی کے وکیل نے سوال اٹھاتے ہوئے کہا کہ ہمیں نہیں سمجھ آ رہی ایک سال میں بانیٔ پی ٹی آئی کی آنکھ کا ایشو کیوں بنا؟ اور کیاغیر معمولی حالات بنے کہ بانیٔ پی ٹی آئی کو رات کے وقت پمز اسپتال لے جایا گیا ؟
فیصل ملک یہ بھی کہا ہے کہ بانیٔ پی ٹی آئی کی فیملی کو یہ جاننے کا حق ہے کہ ان کی کیا ٹریٹمنٹ ہوئی ہے۔
