فرمان الہی
نماز کے اوقات
بھارتی سابقہ ٹینس اسٹار ثانیہ مرزا نے ریٹائرمنٹ کے بعد اپنی فٹنس اور اسکن کیئر روٹین سے پردہ اٹھایا ہے۔
2023ء میں ٹینس کو خیرباد کہنے کے بعد ثانیہ مرزا اب مینٹور، ٹی وی پریزینٹر اور پوڈکاسٹ ہوسٹ کے طور پر سرگرم ہیں۔
ایک انٹرویو میں ثانیہ مرزا نے بتایا کہ وہ اب اپنی غذا میں پروٹین پر خاص توجہ دیتی ہیں، دن کا آغاز وہ ہلدی، شہد، لیموں، کلونجی اور ادرک سے بنے ایک صحت بخش قہوے سے کرتی ہیں جس کے بعد چیا سیڈز اور کافی لیتی ہیں اور پھر جم جاتی ہیں۔
اُنہوں نے کہا ہے کہ پہلے میری خوراک میں کاربوہائیڈریٹس اور پروٹین دونوں زیادہ ہوتے تھے تاہم اب کم جسمانی سرگرمی کے باعث میں زیادہ پروٹین والی غذاؤں کو ترجیح دیتی ہوں۔
ثانیہ مرزا کے مطابق وہ ناشتے میں عموماً 3 سے 4 انڈے، زیادہ تر انڈوں کی سفیدی استعمال کرتی ہیں جبکہ دوپہر کا کھانا بھی پروٹین کو مدِنظر رکھتے ہوئے ترتیب دیتی ہیں۔
ثانیہ مرزا کا کہنا ہے کہ فٹنس کے لیے میں اسٹرینتھ ٹریننگ اور آؤٹ ڈور رننگ کو ترجیح دیتی ہوں جبکہ وقت کی کمی کے باعث فی الحال میں نے پیلاٹس سے وقفہ لیا ہوا ہے۔
اسکن کیئر کے حوالے سے ثانیہ مرزا کوریئن اسکن کیئر روٹین کی شیدائی ہیں۔
ان کے مطابق وہ صبح اور رات میں تقریباً 10، 10 مراحل پر مشتمل اسکن کیئر روٹین دہراتی ہیں تاہم موئسچرائزر اور سن اسکرین ان کی روٹین کا مستقل حصہ ہیں۔
ثانیہ مرزا نے انٹرویو کے دوران یہ بھی بتایا کہ وہ گزشتہ ایک سال سے جِلد کو صاف شفاف بنانے کے لیے ریڈ لائٹ تھراپی بھی کر رہی ہیں جو ناصرف ان کی جِلد بلکہ بالوں کے لیے بھی فائدہ مند ثابت ہو رہی ہے۔
