فرمان الہی
نماز کے اوقات
آئی سی سی ٹی ٹوئنٹی ورلڈکپ میں گروپ سی کے اہم میچ میں ویسٹ انڈیز نے انگلینڈ کو 30 رنز سے شکست دے دی۔
ممبئی کے وانکھڈے اسٹیڈیم میں کھیلے جانے والے اس میچ میں ویسٹ انڈیز نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 196 رنز بنائے۔
شیرفین ردفورڈ نے 76 رنز کی دھواں دار اننگز کھیلی۔ روسٹن چیز نے 34 اور جیسن ہولڈر نے برق رفتار 33 رنز بنا کر اپنا حصہ ڈالا۔
انگلینڈ کی جانب سے عادل راشد اور جیمی اوورٹن نے 2، 2 کھلاڑیوں کو آؤٹ کیا جبکہ جوفرا آرچر اور سیم کرن نے ایک ایک وکٹ لی۔
ہدف کے تعاقب میں انگلینڈ کی ٹیم 19ویں اوور کی آخری گیند پر 166 رنز بنا کر آل آؤٹ ہوگئی۔
سیم کرن سب سے زیادہ 43 رنز بنا کر ناٹ آؤٹ رہے جبکہ جیکب بیتھیل 33 اور فل سالٹ 30 رنز بناسکے۔
ویسٹ انڈیز کی جانب سے گوڈاکیش موتی نے 3 جبکہ روسٹن چیز نے 2 کھلاڑیوں کو پویلین لوٹایا جبکہ اکیل حسین، روماریو شیفرڈ اور شمار جوزف نے ایک ایک وکٹ لی۔
اس فتح کے ساتھ ہی ویسٹ انڈیز کے سپر ایٹ مرحلے کےلیے کوالیفائی کے امکانات روشن ہوگئے۔
علم میں رہے کہ انگلینڈ کو نیپال کے خلاف بھی 4 رنز سے بمشکل کامیابی مل سکی تھی۔
