فرمان الہی
نماز کے اوقات
بھارتی کامیڈین اور اداکار کپل شرما نے 36 سال کی عمر میں ڈپریشن کے ساتھ جدوجہد کے بارے میں تفصیلات بتادیں۔
بھارتی میڈیا کے ساتھ انٹرویو میں اداکار نے کہا کہ ہر مرحلے کی اپنی الگ خصوصیات تھیں، بچپن مختلف تھا، جب میرے والد موجود تھے تو وہ مرحلہ مختلف تھا، 2004ء میں ان کی موت کے بعد زندگی بالکل پٹری سے اتر گئی۔
انہوں نے مزید کہا کہ ٹی وی پر دوسرا موقع ملنے کے بعد میں دوبارہ کیریئر میں واپس آیا، پھر مجھے ٹی وی پر ایک اور موقع ملا اور میں واپس ٹریک پر آیا، 36 سال کی عمر میں ڈپریشن نے مجھے سخت متاثر کیا اور میں مکمل طور پر نیچے چلا گیا، لوگ کہنے لگے کہ یہ ختم ہو گیا، پھر میں نے شادی کی، پھر شو واپس آیا اور میں نے دوبارہ 300 سے زائد ایپیسوڈز کیں۔
کپل نے زندگی کی غیر یقینی صورتحال پر بھی روشنی ڈالی اور کہا کہ نیک نیتی سے کام کرنے کے مثبت نتائج ملتے ہیں۔
