فرمان الہی
نماز کے اوقات
آئی سی سی ٹی ٹوئنٹی ورلڈ کپ 2026 میں بھارتی بیٹرز کو پاکستانی اسپنرز بالخصوص عثمان طارق کا خوف ستانے لگا۔
کولمبو میں موجود بھارت بیٹرز عثمان طارق کے منفرد بولنگ ایکشن سے پریشان ہیں اور نیٹ سیشن کے دوران پاکستانی اسپنر کے بولنگ ایکشن کے انداز کے بولرز کے سامنے پریکٹس کی۔
نیٹ بولرز کے ساتھ جارح مزاج بلے باز ایشان کشن نے پریکٹس کی۔
28 سالہ عثمان طارق نے امریکا کے خلاف 27 رنز کے عوض 3 وکٹ لیں، اُن کے بولنگ ایکشن کو بھارتی میڈیا پر دلچسپ انداز میں زیر بحث لایا جارہا ہے۔
پاکستانی مسٹری اسپنر کے بولنگ ایکشن پر پہلے روی چندرن ایشون نے اس انداز میں گفتگو کی کہ وہ عثمان طارق کے بولنگ ایکشن کا توڑ نکال لائے ہیں۔
روی چندرن اشون نے عثمان طارق سے متعلق تاش کے گیم سے مثال دی اور انہیں ’حکم کا اکا‘ قرار دیا۔
اس گفتگو کو آگے بڑھاتے ہوئے اسپورٹس جرنلسٹ نے امپائر انیل چوہدری سے گفتگو کی، تو انہیں بتایا گیا کہ یہ اصول صرف اُس وقت لاگو ہوتا ہے، جب رُکنے کے انداز میں واضح اور نمایاں تبدیلی ہو۔
انہوں نے مزید کہا کہ اگر ٹھہر کر بولنگ کرانا عثمان طارق کا عام بولنگ ایکشن کا حصہ ہے تو پھر اُسے قانونی سمجھا جائے گا۔
دوسری جانب آج پریس کانفرنس کرتے ہوئے بھارتی ٹیم کے کپتان سوریا کمار یادیو نے کہا تھا کہ عثمان طارق مختلف کرکٹر ہیں لیکن ہتھیار نہیں ڈال سکتے۔
ان کا یہ بھی کہنا تھا کہ پاکستان کے اسپنرز اچھا کھیل رہے ہیں، ہم نے پلان کیا ہوا ہے۔
