فرمان الہی
نماز کے اوقات
پاکستانی شوبز انڈسٹری کی معروف اداکارہ ثروت گیلانی نے انکشاف کیا ہے کہ عمرے کی ادائیگی کے موقع پر ایک مداح نے مجھ سے پوچھا کہ میں یہاں کیا کر رہی ہوں؟
حال ہی میں ثروت گیلانی نے ویڈیو شیئرنگ پلٹ فارم یوٹیوب کے ایک شو میں بطور مہمان شرکت کی، جہاں انہوں نے مختلف امور پر اپنے خیالات کا اظہار کیا۔
دورانِ انٹرویو اداکارہ نے اس حوالے سے گفتگو کی کہ مداح فنکاروں کو عمرہ یا دیگر مذہبی فرائض کی ادائیگی کے دوران دیکھ کر کس طرح حیران کن ردِعمل دیتے ہیں۔
اس بارے میں بات کرتے ہوئے انہوں نے کہا کہ یہ بہت عجیب بات ہے کہ لوگ کہتے ہیں، آپ تو بہت ماڈرن لگتی ہیں، آپ کا مذہب سے کیا تعلق؟
ثروت گیلانی نے کہا کہ ایک وقت تھا جب میں مکہ یا مدینہ میں عمرہ ادا کر رہی تھی، میں کہیں جا رہی تھی کہ ایک مداح نے مجھے روکا اور کہا کہ اوہ مائی گاڈ، کیا آپ ثروت گیلانی ہیں؟ آپ یہاں کیا کر رہی ہیں؟
انہوں نے یہ بھی کہا کہ لوگوں کے ذہن میں یہ تصور پایا جاتا ہے کہ اگر آپ جینز یا پینٹ پہننے والی لڑکی ہیں تو آپ مذہبی نہیں ہو سکتیں لیکن اللّٰہ تعالیٰ فرماتا ہے کہ ہر شخص اپنے اعمال کا خود جواب دہ ہے۔
