فرمان الہی
نماز کے اوقات
چیئرمین میٹرک بورڈ کراچی نے 7 اپریل سے شروع ہونے والے سالانہ امتحانات ملتوی کردیے ہیں۔
چیئرمین میٹرک بورڈ کراچی نے اعلان کیا ہے کہ میٹرک کے سالانہ امتحانات اب بروز جمعہ 10 اپریل سے لیے جائیں گے۔
اس بارے میں پرائیویٹ اسکول ایسوسی ایشن کا کہنا ہے کہ میٹرک بورڈ تاحال طلبہ کو ایڈمٹ کارڈ فراہم نہیں کرسکا ہے، یہی وجہ ہے کہ امتحانات ملتوی کیے گئے ہیں۔
خیال رہے کہ نویں اور دسویں کے امتحانات میں حصہ لینے والے ہزاروں امیدواروں کو تاحال ایڈمٹ کارڈ جاری نہیں ہوسکے تھے، جس کی وجہ سے مقررہ تاریخ سے امتحانات کا آغاز مشکل میں پڑ گیا تھا۔
جنگ کو موصول معلومات کے مطابق کمپیوٹرائزڈ ایڈمٹ کارڈ کا سرور بیٹھ گیا تھا، جس کے لیے ایک نجی کمپنی ہنگامی بنیادوں پر ڈیٹا، دوسرے سرور میں رات گئے تک منتقل کرتی رہی تاہم اس منتقلی کے باوجود بھی سرور ایڈمٹ کارڈ کا لوڈ نہیں اٹھا سکا، جس کی وجہ سے ہزاروں طلبہ ایڈمٹ کارڈ حاصل نہیں کرسکے۔
