گوجرانوالہ(نمائندہ جنگ) جشن آزادی جوش و خروش سے منایا گیا، اندرون شہر اور دیہاتوں میں بھی بزرگوں بچوں اور نوجوانوں نے جوش و خروش سے مختلف تقا ر یب میں حصہ لیا ، پانچ ہزار سے زائد جھنڈے اور جی ٹی روڈ سمیت پارکوں اور برجز کے اوپر رنگ برنگی لائٹس لگائی گئیں جس سے شہر کی خوبصور تی میں اضافہ ہو گیا، شہریوں نے گھروں اور دفاتر کو رنگ برنگی جھنڈیوں ، غباروں اور بڑے جھنڈوں کے ساتھ سجائے رکھا سرکاری و غیر سرکاری تقریبات میں شہریوں نے شرکت کی ، بعض علاقوں میں پولیس کی طرف سے ناکہ بندی اور قانونی کارروائی کے باوجود نوجوان ٹولیوں کی صورت میں موٹر سائیکلوں سے سلنسر نکال کر اور پاکستانی پرچم موٹر سائیکل پر سجاکر ون ویلنگ کر کے پولیس سے آنکھ مچولی کھیلتے رہے ، پولیس نے بھی ساڑھے تین سو سے زائد موٹر سائیکلو ں کو قبضہ میں لے کر 15نوجوانوں کیخلاف مقدمات درج کر کے انہیں پابند سلاسل کر دیا ۔
فرمان الہی
نماز کے اوقات
