فرمان الہی
نماز کے اوقات
ترجمان دفتر خارجہ کا کہنا ہے کہ یوگنڈا کے دارالحکومت کمپالا میں زیرحراست پاکستانیوں سے متعلق پیشرفت ہوئی ہے، 27 پاکستانی آج وطن واپس روانہ ہوں گے۔
دفتر خارجہ کا کہنا ہے کہ مزید 30 پاکستانی بھی اپنی واپسی کیلئے ٹکٹوں کا انتظام کر رہے ہیں، دیگر پاکستانی بھی واپسی کے عمل میں شامل ہوں گے کیونکہ وہ وزٹ ویزا پر تھے۔
ترجمان دفتر خارجہ کا کہنا ہے کہ یوگنڈا امیگریشن حکام نے مالی جرمانے عائد کیے ہیں، پاکستانی سفارتخانہ جرمانوں میں نرمی کیلئے حکام سے رابطے میں ہے۔
خیال رہے کہ گزشتہ روز یہ خبر سامنے آئی تھی کہ کمبوڈیا میں متعدد غیر قانونی تارکین وطن پاکستانیوں کو حراست میں لیا گیا ہے، ایک پاکستانی شہری نے جیو نیوز سے گفتگو کرتے ہوئے بتایا تھا کہ کمبوڈیا کی جیل میں کئی پاکستانی قید ہیں اور انتہائی مشکل حالات کا سامنا ہے۔
شہری کا کہنا تھا کہ ایجنٹ کے ذریعے دو سال پہلے کمبوڈیا آئے تھے، ہمیں 22 اپریل کو پکڑ لیا گیا۔ ڈیپورٹ کرنے کےلیے 1500 ڈالرز رشوت مانگی جارہی ہے۔
پاکستانی شہری کا کہنا تھا کہ کمبوڈیا پولیس کو رشوت دینے کے لیے ہمارے پاس پیسے نہیں ہیں، بدتر زندگی گزار رہے ہیں۔ جن برتنوں میں یہاں کتوں کو کھانا دیا جارہا ہے وہی برتن دھو کر ہمیں کھانا دیا جاتا ہے۔
شہری کا کہنا تھا کہ مختلف ممالک کے لوگ چھ چھ ماہ سے قید ہیں ان کا کوئی پرسان حال نہیں، حکومت پاکستان اور اعلیٰ حکام سے درخواست ہے کہ ہماری داد رسی کی جائے۔
ترجمان دفتر خارجہ طاہر حسین اندرابی نے 54 پاکستانیوں کو حراست میں لیے جانے کی تصدیق کرتے ہوئے کہا تھا کہ باقیوں کی تصدیق کا عمل جاری ہے، پاکستانی سفارتخانے نے زیر حراست پاکستانیوں کے لیے قونصلر رسائی مانگ لی ہے۔
ان کا کہنا تھا کہ زیر حراست افراد پر لگائے گئے چارج کی تفصیلات مانگی گئی ہیں، زیر حراست پاکستانیوں کو وطن وآپس لانے کے لیے کوششیں کر رہے ہیں، کمبوڈین حکومت تعاون کر رہی ہے۔
