فرمان الہی
نماز کے اوقات
کراچی کے علاقے سرجانی میں گھر میں سلائی کڑھائی کے کام کے بہانے بلاکر پڑوسی نے خاتون کو زیادتی کا نشانہ بنا دیا، مقدمہ درج ہونے کے بعد مرکزی ملزم نے ضمانت کروالی۔
خاتون کے ساتھ مبینہ زیادتی کا واقعہ سرجانی ٹاؤن میں پیش آیا، 4 جون کو خاتون نے پڑوسی سمیت تین افراد کے خلاف مبینہ زیادتی اور بلیک میلنگ کا مقدمہ درج کروادیا۔
ایف آئی آر کے مطابق خاتون نے الزام عائد کیا ہے کہ گزشتہ سال دسمبر میں ایک پڑوسی نے انہیں یہ کہہ کر اپنے گھر بلایا کہ اس کی والدہ کو کسی کام کے لیے ان کی ضرورت ہے۔ خاتون کے مطابق وہاں پہنچنے پر ملزم نے انہیں مبینہ طور پر زیادتی کا نشانہ بنایا اور واقعے کی ویڈیو بھی بنا لی۔
متاثرہ خاتون کا کہنا ہے کہ ملزم نے ویڈیو کے ذریعے بلیک میل کیا اور بچوں کو نقصان پہنچانے کی دھمکیاں دے کر متعدد مرتبہ زیادتی کی۔
مقدمے میں خاتون نے اپنے پڑوسی سلمان علی، رفیق شاہ اور ایک نامعلوم شخص کو نامزد کیا ہے۔
پولیس کا کہنا ہے کہ مرکزی ملزم سلمان علی نے عدالت سے ضمانت حاصل کر لی ہے، جبکہ دیگر دو ملزمان تاحال مفرور ہیں۔ واقعے کی مزید تحقیقات جاری ہیں۔
