فرمان الہی
نماز کے اوقات
سابق آسٹریلوی بیٹر ڈیوڈ وارنر نے شراب پی کر ڈرائیونگ کرنے کا جرم قبول کر لیا۔
غیر ملکی میڈیا کے مطابق اپریل میں شراب پی کر ڈرائیونگ کرنے پر 39 سالہ ڈیوڈ وارنر کو سڈنی میں گرفتار کیا گیا تھا، انہیں رینڈم ٹیسٹ میں شراب پی کر گاڑی چلانے پر مقدمے کا سامنا ہے۔
غیر ملکی میڈیا کے مطابق ڈیوڈ وارنر کے بدھ کو سماعت کے دوران ذاتی طور پر عدالت میں پیش ہونے کی ضرورت نہیں تھی اور ان کے وکیل نے عدالت کو باضابطہ طور پر بتا دیا ہے کہ ڈیوڈ وارنر نے جرم قبول کر لیا ہے۔
میڈیا رپورٹس کے مطابق 18 اگست کو سماعت کے دوران ڈیوڈ وارنر کو سزا سنائی جائے گی، اس جرم میں کم سے کم سزا 6 ماہ کے لیے ڈرائیونگ کے لیے نااہل ہونا ہے جبکہ 2200 آسٹریلوی ڈالرز جرمانہ اور 9 ماہ کے لیے جیل کی سزا بھی شامل ہے۔
یاد رہے کہ ڈیوڈ وارنر پاکستان سپر لیگ کے دوران چند روز کی چھٹیاں گزارنے کے لیے سڈنی گئے تھے جہاں دوستوں کی دعوت کے بعد گھر واپس جاتے ہوئے آسٹریلوی سابق کرکٹر کا ڈرنک ڈرائیو ٹیسٹ ہوا تھا۔
ڈیوڈ وارنر کا ٹیسٹ مثبت آیا تھا جس کے بعد ان پر کیس دائر کیا گیا تھا۔
