کراچی(اسٹاف رپورٹر)پاکستان انسٹی ٹیوٹ آف ہاکی کے زیر اہتمام فیسٹیول ہاکی میچ فضائیہ کالج ملیر گرائونڈ میں کھیلا گیا۔فیسٹیول میچ میں فضائیہ انٹرکالج نے پی آئی ایچ اکیڈمی ملیر کو4-3 سے شکست دی۔ فاتح ٹیم کی جانب سے احسن رفیق، حمزہ شوکت، حمزہ جاوید اور دانیال اقبال نے گول کیے جبکہ پی آئی ایچ اکیڈمی ملیرکے عبداللہ، جواد اور خضر نے ایک ایک گول کیا۔ مہمان خصوصی انور فاروقی نے دونوں ٹیموں میں انعامات تقسیم کیے۔ اس موقع پر پرنسپل فضائیہ انٹرکالج ملیر صبیحہ، انجم علی، صدرپاکستان انسٹی ٹیوٹ آف ہاکی زاہد شہاب، بانی وسیکریٹری جنرل پروفیسررائوجاوید اقبال، جاوید اقبال بھی موجود تھے۔
فرمان الہی
نماز کے اوقات
