فرمان الہی
نماز کے اوقات
سعودی عرب نے تازہ ترین حملے میں حوثیوں کے 4 ڈرونز اور 2 بیلسٹک میزائلوں کو فضا میں تباہ کر دیا۔
اتحادی افواج کے مطابق سعودی فضائی دفاعی نظام نے جنوبی علاقوں کی جانب حوثیوں کی طرف سے داغے گئے دو بیلسٹک میزائل اور چار ڈرونز کو فضا میں ہی تباہ کر دیا۔
اتحادی افواج کے ترجمان میجر جنرل ترکی المالکی نے بتایا کہ خمیس مشیط کے اوپر ایک بیلسٹک میزائل اور جازان کے اوپر ایک اور میزائل کو فضا ہی میں تباہ کیا گیا، جبکہ چاروں ڈرونز کو خمیس مشیط کے اوپر ہی تباہ کر دیا گیا۔
سعودی سول ڈیفنس نے بیان میں کہا ہے کہ بیلسٹک میزائل تباہ کیے جانے کے بعد ملبہ خمیس مشیط کے رہائشی علاقوں پر گرا، جس سے کئی عمارتوں اور گاڑیوں کو نقصان پہنچا۔
