سرگودھا (نمائندہ جنگ)خواتین کیخلاف ہونیوالے جرائم کے سد باب کیلئے پنجاب پولیس نے 504 خواتین پولیس اہلکاروں پر مشتمل دستے کو پاسنگ آؤٹ پریڈ کے بعد سرگودھا سمیت صوبہ بھر کے مختلف اضلاع میں تعینات کردیا۔ ذرائع کے مطابق ان خواتین پولیس اہلکاروں کو جرائم سے نمٹنے کیلئے خصوصی ٹریننگ فراہم کی گئی ہے ان پولیس خواتین اہلکاروں کو خواتین کیخلاف ہونیوالے جرائم کے سد باب کیلئے خصوصی ٹریننگ فراہم کی گئی ہے مزید پولیس خواتین اہلکاروں کی بھرتی کیلئے بھی اقدامات کئے جارہے ہیں ان خواتین پولیس اہلکاروں کو پنجاب بھر کے مختلف علاقوں میں غیر ملکی خواتین ‘ ماہرین جو مختلف ترقیاتی منصوبوں پر کام کررہی ہیں ان کی حفاظت کیلئے بھی تعینات کیا جائیگا جبکہ غیر ملکیوں کی حفاظت کیلئے 4 ہزار سے زائد اہلکاروں پر مشتمل نئی فورس سپیشلائزڈ پروٹیکشن یونٹ (ایس پی یو) کو بھی متحرک کردیا گیا ہے جنہوں نے غیر ملکیوں کی سکیورٹی کے انتظامات سنبھال لئے ہیں۔
فرمان الہی
نماز کے اوقات
