شیخوپورہ (نمائندہ جنگ سے) ضلع شیخوپورہ یوم دفاع پاکستان کے موقع پر اہلیان شیخوپورہ نے اس عزم کی تجدید کی کہ وطن عزیز کی آن کی خاطر کسی بڑی سے بڑی قربانی سے بھی دریغ نہ کیا جائے گا۔ شہدائے ستمبر کی ارواح کے ایصال ثواب کے لئے تحریک انصاف کے رہنما رانا عبدالسمیع خان کی اقامت گاہ پر قرآن خوانی اور دعائیہ تقریب منعقد ہوئی، قصبہ جنڈیالہ شیر خان میں شہید عبدالکریم کی آخری آرام گاہ میں انتظامیہ اور پولیس کے اعلیٰ افسران نے حاضری دی اور چادر چڑھائی۔ اس موقع پر شہید کے درجات کی بلندی کے لئے دعا بھی کروائی گئی۔ تحریک استحکام پاکستان کی طرف سے یوم دفاع پاکستان کے موقع پر صدر مرکزی انجمن تاجران میاں محمد پرویز کو تاجر برادری کے لئے ان کی خدمات کا اعتراف کرتے ہوئے انہیں قائداعظم اور نواز شریف میڈلز دیئے گئے۔ میڈلز ان کی 31سالہ خدمات کے پیش نظر دیئے گئے ہیں۔
فرمان الہی
نماز کے اوقات
