لوزان ( جنگ نیوز) انٹرنیشنل ہاکی فیڈریشن (ایف آئی ایچ) نے اپنے ایگزیکٹو بورڈ اراکین کے انتخابات کے لئے امیدواروں کے ناموں کا اعلان کر دیا ہے ۔ بھارتی ہاکی یونین کے سربراہ نریندر بترا بھی عالمی ادارے کے صدر کے عہدے کی دوڑ میں شامل ہیں۔ نومبر میں ہونے والی ہاکی کانگریس میں ایف آئی ایچ ایگزیکٹو بورڈ اراکین کے انتخابات ہوں گے۔ ایگزیکٹو بورڈ کے پانچ عہدوں پر دبئی میں 12 نومبر کو پولنگ ہوگی۔ اس میں ایف آئی ایچ کے صدر کا الیکشن بھی شامل ہے۔ موجودہ صدر ليانڈور نیگرے گزشتہ آٹھ سال سے اس عہدے پر موجود ہیں۔ البتہ ان کی صدارت کی مدت ختم ہو رہی ہے۔ ایف آئی ایچ نے بتایا کہ مختلف ملکی ہاکی ایسوسی ایشنز کی جانب سے تین امیدواروں کے ناموں کا اعلان کیا گیا ہے جن میں آسٹریلیا کے کین ریڈ، بھارت کے نریندر بترا اور آئر لینڈ کے ڈیوڈ بالبرنی شامل ہیں۔
فرمان الہی
نماز کے اوقات
