گوجرانوالہ(نمائندہ جنگ)ضلعی بیت المال کمیٹی گوجرانوالہ کے زیراہتمام ایک تقریب ہوئی جس میں 200 نادار‘ بیوہ‘ یتیم‘ عمر رسیدہ‘ بیماروں کو مالی امداد کے چیک تقسیم کئے گئے۔ اس تقریب میں رانا محبوب احمد ڈسٹرکٹ آفیسر سوشل ویلفیئر اینڈ بیت المال نے خطاب کرتے ہوئے کہا کہ پہلے آئو پہلے پائوکے اصول اور غریب سے غریب تر کو مد نظر رکھتے ہوئے صاف شفاف اور دیانتداری سے چیک بنائے گئے ہیں ۔ دیگر مہمانان خصوصی میں ایم پی ایز اشرف علی انصاری اور توفیق احمد بٹ نے بھی خطاب کیا اور مستحقین میں چیک تقسیم کئے۔ تقریب میں چیئرمین بابو عظمت علی انور‘ ناصر محمود کھوکھر‘ وقاص بسیرا‘ رشدہ امان اللہ‘ مہ جبیں اور دیگر ممبران شریک تھے۔
فرمان الہی
نماز کے اوقات
