ملتان،ڈیرہ غازی خان ( سٹاف رپورٹر،نمائندہ جنگ) ملتان سمیت جنوبی پنجاب میں بدترین لوڈشیڈنگ اور بندش سے پورے خطے میں شہریوں کو شدید مشکلات اور مسائل کا سامنا ہے،ڈیرہ غازی خان میں بجلی کی طویل بندش اور ٹرپنگ کے خلاف شہر یوں کا احتجاج،واپڈا کے خلاف شدید نعرے بازی کی گئی ، تفصیلات کے مطابق عیدالاضحیٰ سے قبل بدترین لوڈشیڈنگ سے صارفین بالخصوص تاجر شدید مشکلات کا شکار ہیں، ملتان شہر اور کینٹ سمیت خطے کے ڈسٹرکٹ ہیڈ کوارٹرز پر اعلان اور شیڈول کےباوجود 6 گھنٹے سے زائد لوڈشیڈنگ کی جارہی ہے، ڈیرہ غازی خان میں کنگن روڈ کے قریب شہریوں نے بجلی کی غیر اعلانیہ لوڈشیڈنگ کے خلاف احتجاج کیا ، مظاہرین نے میپکو سمیت صوبائی حکومت کے خلاف شدید نعرے لگائےاور کہا کہ 14سے 16گھنٹے تک کی جانیوالی لوڈشیڈنگ ناقابل برداشت ہے، حکام نے صورت حال کا نوٹس لیتے ہوئے لوڈشیڈنگ کا دورانیہ کم نہ کیا تو وہ بھرپور احتجاج پر مجبور ہوجائیں گے ۔
فرمان الہی
نماز کے اوقات
