میرپورماتھیلو (نامہ نگار) قومی اسمبلی میں اپوزیشن لیڈر سید خورشید احمد شاھ نے میرپورماتھیلو میںنوتعمیرشدہ ماڈل پولیس اسٹیشن کا دورہ کیا‘اس موقع پر صحافیوں سے گفتگو کرتے ہوئے انہوں نے کہا کہ سندھ اسمبلی میں اپوزیشن لیڈر خواجہ اظہارالحسن کے گھر پر چھاپے کا مجھے علم نہیں ‘قانون کے مطابق منتخب رکن کے گھر پر چھاپہ کی اسپیکر سے اجازت لیناہوتی ہے ‘اکتوبرسے پنجاب میں عوامی رابطہ مہم شروع کریں گے ‘پیپلز پارٹی چادر اور چار دیواری کا احترام کرتی ہے‘ کسی کے گھر کی طرف مارچ کرنے کے مخالف ہیں‘ حکومت پاناما لیکس پر راہ فرار اختیار کرناچاہتی ہے ‘ہم اس معاملے کومنطقی انجام تک پہنچانے کیلئے سنجیدہ ہیں‘ اس لئے ایشوکوسینیٹ میں لائے ہیں۔
فرمان الہی
نماز کے اوقات
