کراچی(اسٹاف رپورٹر) امجد علی کی ہیٹ ٹرک کی بدولت پاکستان نے انڈر18 سیریز کےتیسرے ہاکی ٹیسٹ میں عمان کو تین گول سے شکست دے دی۔نیشنل ہاکی اسٹیڈیم لاہور میں پیر کو ہونے والے میچ میں پاکستانی ٹیم کو ہاف ٹائم تک دو گول کی سبقت حاصل تھی۔چار میچوں کی سیریز میں پاکستان کو دو صفر کی برتری حاصل ہوگئی ہے۔پاکستان کے تینوں گول امجد علی نے کئے۔پاکستان کے کوچ مدثر علی خان نے ٹیم کی کارکردگی پر اطمینان کا اظہار کیا ہے۔ان کا کہنا ہے کہ ہم نے ریزرو کھلاڑیوں کو آزمایا اور نئی حکمت عملی کے ساتھ میدان میں اترے۔پنالٹی کارنر پر گول اسکور ہونا ٹیم کے لئے بڑا پلس پوائنٹ ہے۔چوتھا میچ منگل کو کھیلا جائے گا۔
فرمان الہی
نماز کے اوقات
