کراچی(اسٹاف رپورٹر) ڈھاکا میں کھیلے جانے والے انڈر18ایشیا کپ میں پاکستان نے دوسری کام یابی حاصل کر لی۔ پاکستان نے چائینز تائپے کو 6-0سے مات دی، پاکستان کو پہلے گول کے حصول کے لئے 35 منٹ انتظار کرنا پڑا، پاکستان کی جانب سے امجد علی اور افراز نے دو، دو گول بنائے، علی عزیز اور خیر اللہ نے ایک، ایک بار گیند کو جال کی راہ دکھائی۔ قومی ٹیم منگل کو اپنے گروپ کا آ خری میچ ہانگ کانگ کے خلاف کھیلے گی، ٹورنامنٹ میں بنگلہ دیش نے بھارت کو سخت مقابلے کے بعد 5-4سے ہرایا، انڈر18 میں بنگلہ دیش کی بھارت کے خلاف یہ پہلی کام یابی ہے، اس سے قبل انڈر21 چیلنج کپ ہاکی میں بنگلہ دیش نے بھارت کو شکست دی تھی۔جو 2004 میں کھیلا گیا تھا۔
فرمان الہی
نماز کے اوقات
